Makaroni apo Kruasoni

E vërteta është që "Kruasoni" kaloi nga "aleat" i 99 e këndej në "destabilizues" me një shpejtësi marramendëse.

Fillimisht, e menduam si një mik të shijshëm në mëngjes, por tashmë po i themi "shkelës i paqes"!

Në fillim ishte ai "kruasoni" që na ngopte për kafe, por për një natë u shndërrua në një armë me aftësi të rrezikshme. Aleati i 99s që na mbante shoqëri në tavolinë u kthye në një makth për stabilitetin e vendit!

Duket se askush nuk e kishte parashikuar këtë tradhti të brishtë dhe të ngrohtë.

E kush do ta mendonte që një "kruason" do të duhej të hiqet nga lista e përkrahësve të Kosovës dhe të përfundojë në listën e të kërkuarve për destabilizim?! Tash, çdo përpjekje për të forcuar sigurinë kombëtare duhet të fillojë me analizën e kësaj ëmbëlsire të rrezikshme!

Kur vjen puna te siguria e vendit, të gjithë menduan që do të na duheshin ca "Rafale" ose "Mefaila", por kush e dinte që fuqia e vërtetë qëndronte te dronet luftarakë... në formë kruasoni! Duket që nuk është e nevojshme të kemi flotë avionesh të avancuara, kur mund të kemi një tufë dronesh të shijshëm që janë më të sofistikuar se sa duket.

Imagjino sikur një armik të përpiqet të pushtojë, vetëm për të parë një flotë dronesh që vijnë drejt tij, me formë të pafajshme të një "kruasoni"! Pa dyshim, këta drone do të jenë më efektivë se "Rafalet" dhe "Mefailat". Në vend që të harxhojmë miliarda në avionë, vetëm disa mijëra drone të armatosur me krem çikolatë mund të bëjnë punën.

Në fakt, këta drone mund të jenë aq efektivë sa të bëjnë armikun të dorëzohet pa një të shtënë – vetëm një kafshatë dhe ai është i bindur që lufta s’ka kuptim! Pra, nuk është çudi që tashmë kemi një armë sekrete që bën më shumë punë se çdo “Rafale” apo “Mefail” i prodhuar ndonjëherë. Shumë më mirë me një fluturake të ngrënshme sesa një avion që të lë në qiell!